Rishta Ye Bhai Behn Ka...

RISHTA  YE  BHAI  BEHAN  KA…

Rishta ye bhai behan ka, hai bada hi pyara..

Sare jag me na duja koi, aisa bandhan nirala..

Kismat wale hote hai wo, jisne is rishte ko paya..

Behan bhai ka sath se ho jaise, sara jeevan mehkaya…

Behan chhoti ho ya ho badi..

Jatati hai hak apna, har ek pal har ghadi..

Rakhti hai khayal apne bhai ka hamesha..

Uske pyar ke samne na duja koi pyar aisa…

Karta hai parwa behan ki, par bhai kabhi dikhata nahi..

Rakhi pe kiye us wade ko, wo kabhi bhulata nahi..

Chahe bhai behan ko hamesha hi ho satata..

Par us ke bin ne wo kabhi reh bhi na pata ..

Larte bhi hai wo, jhagarte bhi hai..

Phir baad me ek duje ko manate bhi hai..

Maa baap se daant khilate bhi hai wo..

Aur baad me phir unse bachate bhi hai...

Chali jati hai behan ho ke wida..

Jab ho jati hai uski shadi..

Bhar aati hai bhai ki aankhen..

Par chehre pe wo na aane deta kabhi..

Bhai behan ko phir karta ek wada..

Na honge kabhi hum ek duje se juda..

Zindagi ke kathin rasto pe..

Rahega ye bhai tere sath me sada…

Kya kehna hai ab ishwar ko..

Jo aisa anmol rishta banaya..

Behan bhai ke sath ne ho mano..

Sare jeevan ko sajaya…

Is rishte ko hamesha sambhal k rakhna, ae dosto..

Na gam ka saya is pe kabhi padne dena, ae dosto..

Kyuki..

Chandni chand se hoti hai sitaro se nahi..

Behan jasbaaton se banti hai, bas baaton se nahi..

Jab chand hi na ho, to chandni kaise..

Aur jab behan rahe thik, to phir pareshani kaise…

KAVNIK…

9/9/2011

Papa ne mujhko...

PAPA  NE  MUJHKO…

Jab aya main is duniya me, Naam nahi tha mere paas.

Lekin mere papa ke mann me, Jag gayi ummeedo ki aas.

Naam kamayega beta unka, Yahi tha unka mujh pe vishwaas…..

Choti choti ungliyan pakad ke, Chalna sikhaya papa ne mujhko..

Kathin rasto me jab atka main, Aage badhna sikhaya papa ne mujhko..

Gir kabhi main jata jab bhi, Himmat rakhna sikhaya papa ne mujhko..

Meri har khwaaish ko pura kar, Khushi ka ehsaas dilaya papa ne mujhko..

Roya karta tha main jab bhi, Hasna sikhaya papa ne mujhko..

Karta tha jab bhi zid main, Kandhe pe bithaya papa ne mujhko..

Jab na lagta mera mann kabhi to,  ghuma ke laya papa ne mujhko..

Jab tuta koi khilona mera, Naya le kar dilaya papa ne mujhko..

Sari taklifon aur dard ko bhula kar, Hamesha khush rehna sikhaya papa ne mujhko..

Papa mujhe samjhaya karte, Ek acha insaan banna hai tujhko..

Zindagi me bas hamesha, Badhte chale jana hai tujhko..

Padh likh kar mehnat kar ke, Har sapna pura karna hai tujhko..

Haan dosto..

 Yahi hai ab mere mann ki aas..

Nam kamayega beta unka aur banaye rakhega apne papa ka vishwaas..

Kyu ki….

Khuli aankho se sapne dekh usse, pura karna sikhaya papa ne mujhko…

KAVNIK…

8/9/2011

Meri Maa...

MERI MAA…

Maa.. meri maa..

Mujhe janam dene wali.. meri maa..

Is duniya me lane wali.. meri maa..

Apni god me khilane wali.. meri maa..

Raat ko loriya ga ke sulane wali.. meri maa..

Mujhe Bolna sikhane wali.. meri maa..

Hath pakad k chalane wali.. meri maa..

Girte hue sambhalne wali.. meri maa..

Taklif me dekh mujhe, rone wali.. meri maa..

Khud ko bhuka rakh ke mujhe khana khilane wali.. meri maa..

Apne seene se lagane wali.. meri maa..

Dil ke hamesha kareeb rakhne wali.. meri maa..

Mujhe sabse pyara samajhne wali.. meri maa..

Dil se mere liye dua maange wali.. meri maa..

Meri zindagi ko sawarne wali.. meri maa..

Sahi galat ka matlab samjhane wali.. meri maa..

Meri galtiyon ka ehsaas dilane wali.. meri maa..

Pyar ka matlab samjhane wali.. meri maa..

Meri  jimmedariya  ka ehsaas dilane wali.. meri maa..

Har galti ko maaf karne wali.. meri maa..

Naraz hote huye b pyar se baat karne wali.. meri maa..

Meri  har khwaaish pura karne wali.. meri maa..

Papa k gussa hone pe unki daant se bachane wali.. meri maa..

Mere aankhon se dard ko padh lene wali.. meri maa..

Kuch na kehte hue bhi sab kuch samajh lene wali.. meri maa..

Apne dard ko bhul mera khayal rakhne wali.. meri maa..

Meri khushi ko unki khushi banane wali.. meri maa..

Unpe chillane k baad kuch na kehne wali.. meri maa..

 Unhe bhala bura kehne k baad bhi naraz na hone wali.. meri maa..

Chahe kuch bhi ho jaye, hamesha mera sath dene wali.. meri maa..

Haan dosto..  ye sahi hai ki…

Hamesha mujhe aage badhne ki prerna dene wali..

mere har sapne ko pura hote huye dekh k khush hone wali..

 mere dil k hamesha kareeb rehne wali..

aur koi nahi.. par hai…

Mujhe janam dene wali.. meri maa..

KAVNIK…

7/9/2011

Dil na jane kyu kho sa jata hai...

DIL  NA  JANE  KYU  KHO  SA  JATA  HAI...

kabhi kabhi aisa hota hai..

dil na jane kyu kho sa jata hai..

koi ajnabee sa apke zindagi me ata hai..

na jane kab apki zindagi ban jata hai..

dhire dhire apka dil usse chahne lagta hai..

aur phir wo chahat apka pyar ban jata hai..

pyar me pagal dil behek sa jata hai..

ussi k khayalo me deewana sa ban jata hai..

har pal bas ussi ka mann me ehsaas sa rehta hai..

ek duje k bina rehna namumkin sa ho jata hai..

dil na chahte hue b usse taklif pahuchata hai..

par phir bhi hmara pyar barkaraar rehta hai..

anjane me hui galtiyon se dil ghabra sa jata hai..

unse door hone ka darr mann me hulchul machata hai..

wo hmare paas hote huye b humse door nazar aate hai..

phir khayal ata hai ki hum ek dusre ko kitna chahte hai..

usse phir mana k sab kuch thik ho jata hai..

haan ye sach hai ki jhagro se pyar badh jata hai..

dil sochne lagta hai ki pyar sach me andha hota hai..

sab kuch sahi hone k baad me bhi sab galat nazar ata hai..

lagta tha ki pyar ishq mohabbat bas kitabo me hota hai..

usse pane k baad hume sach ka ehsaas hota hai..

dil sach me bekabu ho jata hai...

hmara pyar unke liye badhta chala jata hai...

hum usse behad pyar krne lag jate hai..

zindagi bhar sath rehne ka wada nibha lete hai..

kisi ne sach hi kaha hai ki pyar me sab pagal ho jate hai..

par janab wo pagal nahi unhe hum aashiq kehte hai..

haan dosto.... kisi ne sach hi kaha hai ki...

kabhi kabhi aisa hota hai..

dil na jane kyu kho sa jata hai..

KAVNIK…

6/9/2011